- ХÆЙРÆДЖЫТЫ НÆМТТÆ ЗÆГЪЫН КÆНЫН
- Æвзæрæй цы сарæзтæуыд, уыдон зæгъын кæнын.
Къизойæн йæ мады 'хсыр йæ фарсæй фæуæд, кæд дын дæ хæйрæджыты нæмттæ нæ зæгъын кæна. – Ды нæ зоныс... Къикънадзе чи у, уый! Æз дын дæ хæйрæджыты нæмттæ дæр зæгъын кæндзынæн (Олгъайæн). (Хацырты С. Хæхты фæдисон.)
Хæйрæджыты сайд чи уыд, уый хуыдтой хæйрæджджын. Ахæм рынчынты-иу дæсныты амындмæ гæсгæ Хуссар Иры æд нывонд кодтой Джеры дзуармæ, куыд фыдбылызты сафджыты бардуаг, зæд, дзуар. Кусарт акæныны фæстæ рынчыны фæдзæхстой, стæй йæ бæндæнæй бастой, ауагътой-иу æй æмуырдыг къæдзæхы бынмæ бæндæнтæй, къæдзæх цъытджытæ ластой хъаматæй, цæмæй зæгъгæ, рынчын йæ хæйрæджыты нæмттæ зæгъа. Ардыгæй цæуы фразеологизм «Хæйрæджыты нæмттæ зæгъын кæнын».
Фразеологический словарь иронского диалекта. - Цхинвал:, Полиграфическое производственное объединение РЮО, 2-е дополненное издание. . Составил Дзабиты З. Т., Редактор издания Дзиццойты Ю. А..
